Digdir har i 2026 fått belastningsfullmakt frå DigiUng-prosjektet til å finansiere vidareutvikling av MinID sine tenester retta mot unge. Produktteamet for MinID har, med utgangspunkt i produktområdestrategien og vegkartet for produktet, definert oppgåver knytte til vidareutvikling av mobilappane til MinID.

Oppgåvene omfattar både funksjonelle og designmessige forbetringar. Produktteamet for MinID har avgrensa tilgang til spisskompetanse innan utvikling av native mobilappar og har derfor behov for ekstern bistand.

Nasjonal pilot for ID-lommebok har i perioden tilsvarande behov for kompetanse og kapasitet. Anskaffinga skal dekkje behov i både MinID og nasjonal pilot for ID-lommebok.

Formål

Anskaffinga har to hovudformål:
Vidareutvikling og forvaltning av MinID sine mobilappar

Det første formålet er å gjere MinID sine mobilappar meir tilgjengelege og brukarvenlege og å utvide appane med ny funksjonalitet. I avtaleperioden skal MinID levere og forvalte ein ny app med lommebokfunksjonalitet. Dette omfattar også funksjonalitet for digital ID-kontroll med dokument- og biometrilesing.

Vidareutvikling av pilotlommeboka:
Det andre formålet er å gi pilotlommeboka, som er ein leveranse frå nasjonal pilot for ID-lommebok, ein sikker og brukarvenleg frontend. Løysinga skal leggje til rette for at lommebokfunksjonalitet kan prøvast ut i produksjon med reelle brukarar.

Leveransane frå konsulentane vil bli koordinerte mellom dei respektive produktteama for MinID og nasjonal pilot for ID-lommebok. Arbeidet skal gjennomførast i samsvar med smidig utviklingsmetodikk.

MÅ-krav:

• Konsulentane skal vere tilgjengelege for å jobbe 100% for Digdir i avtaleperioden, og skal integrerast i Digdir sine produkt-team 
• Konsulentane som tilbys er senior systemutviklarar, med minst 3 års relevant erfaring med utvikling av mobil-app'ar.
• Må beherske norsk godt, både skriftlig og muntlig. Bør ligge minimum på nivå B2 etter CEFR (Det felles europeiske rammeverket for språk)

BØR-krav:

• Spisskompetanse på utvkling av mobilappar og erfaring med app'ar med høge krav til sikkerheit, tilgjengelegheit og ytelse. Referansar skal oppgis 
• Erfaring med Native app-utvikling på iOS / Android
• Erfaring med sikre APIar for app-mobil-kommunikasjon, både mobil-initiert og server-initiert 
• Praktisk erfaring med løysingar for å tilfredstille OWASP top 10 mobile-trusler